Bóndadagsmorgun í Geysi

Bóndadegi og upphafi Þorra var fagnað í  Geysi í morgun. Kvenkostur mikill mættur snemma til að undirbúa dekurmorgunverð til að kæla karlhormón beggja kynja. Ýmislegt svo gert til að fylgja eftir þessum bráðmerkilega degi sem er líklega síðasta vígi sem kenna má við bændur á Íslandi. Í leikskólum landsins er þessi dagur nú kallaður herra þetta og herra hitt. Gaman gaman að halda í gömul dagaheiti, en bændum fer nú ört fækkandi en nytsömum sakleysingjum í peningastéttum þessa lands fjölgar. Kallar á samræmda nefnd um samræmd dagaheita. Til hamingju með daginn.