Skötuveisla í nafni heilags þorláks

Skötuunnendur geta nú farið að veita skötuþefnum brautargengi þá ilmur hennar fyllir hina íslensku heimsbyggð. Að vanda munu Geysisfélagar blíðka sinn Þorlák með því að eta skötu með ýmsum styrk og efla þar með kaþólskar fornar tengingar. Skötuhátíðin fer fram í Geysi miðvikudaginn 23. desember næstkomandi sem vill svo heppilega til að kemur upp á Þorláksmessu nákvæmlega þann sama dag (hmmmm). Verð fyrir þátttöku í gjörningnum er kr. 1.200, en staðfestingargjald kr. 500 skal greiðast eigi síðar en mánudaginn 21. desember. Fyrir náð, miskunn, kærleika, og mildi Þorláks helga verður þeim sem fnykurinn er ofviða boðið að viðra vélindað með saltfiski. Allt um það verður gengið verður til málsverðar kl. 12.30. Velkomið að taka með sér gesti.